UN LÒC DE CONVIVÉNCIA
Animat per hèra de benevòles e dus permanents, l’Ostau de la Montanha qu’ei prumèr un endret on tots, que sian debutants o confirmats, personas o associacions, professionaus o amators e pòden escambiar ideas, informacions, projèctes a l’entorn d’un cafè o d’un libe. L’Ostau de la Montanha qu’ei l’acès d’autas associacions qui an un ligam dab la montanha : FFME, APACT, Passe Muraille… e qu’organiza mustras e manifestacions culturaus.
|
INFORMACIONS
Lo Centre de Documentacion, dedicat a la montanha en generau e mei que mei aus Pirenèus, que hica a la vòsta disposicion mantuns centenats d’obratges (mapas, topòs e revistas), un accès internet autanplan com ua sala de lectura e ua sala de tribalh… per tots los qui cèrcan endicas, ua descripcion d’itinerari, qui aprèstan ua corruda, ua rampada… Totas las disciplinas esportivas de montanha que son representadas : esquí, raqueta, parapenent, rampada, gradilhada, VTT…
|
MEJANS
Entà que tots e poscan accedir a la montanha, l’Ostau de la Montanha qu’organiza o que sostien accions de caractèr sociau, esportiu e culturau realizadas en partenariat dab Centres Sociaus, MJC, l’Educacion Nacionau. Qu’ei shens qu’un ahar de consum, l’elaboracion d’aqueths projèctes qu’apèra l’implicacion deus participants. Entà que la manca de materiau non trave pas aqueras iniciativas, que hasom ua borsa deu prestar (cauçaduras, sharpas, esquís, vestits…), aprovedida per dons.
|
